A NOSA HISTORIA
1950
Remataba 1950 cando José, quen acabaría sendo coñecido como Señor Gaibor, e María, alugaban unha pequena casiña de pedra no camiño da feira a onde trasladar a súa pequena taberna, que anos antes abrira ás aforas do pobo, recén chegados de Mariz. Eran tempos de escasez nos que defenderon o seu negocio vendendo principalmente viño e bocadillos de sardiña en lata.
1969
José deseguida enviuvou tendo que coidar só ó seu único fillo namentras sacaba adiante o seu local, que tamén era a súa casa. En 1969, Toñito casou con Pili, para poñerse ó frente do negocio. Comezaba así unha etapa na que a compra e posterior reforma do establecemento, permitiu que aquela pequena taberna se convertera en casa de xantar, onde os pratos tradicionais máis representativos da nosa gastronomía conformaban a súa carta, que seguen servindo de inspiración a día de hoxe.
1990
Despois de perder a seus pais; Pili, neta do Señor Gaibor, foi quen tomou as rendas do negocio familiar, acompañada pola súa parella, Carlos. Entre os dous traballaron e defenderon a Casa, onde non deixaron de vivir, cunha evolución e adaptación constante para ofertar o mellor servizo posible en cada tempo.
2024
A día de hoxe, Pili e Carlos seguen á fronte da Casa, acompañados polo seu fillo Antón.
Mercedes, David, Adrián e Ofelia completan un equipo de profesionais que dan o mellor de si no día a día para que poidas desfrutar dunha experiencia familiar, cunha cociña humilde e honesta, onde o respecto polo produto é o protagonista nun restaurante no que nunca deixará de latexar o corazón da nosa taberna.
​
